Tras o éxito de participación do pasado curso (máis de 4.500 nenos e nenas de 86 colexios de toda Galicia), a proposta educativa “Convivimos” está de novo en marcha. Lembramos que se trata dun material para profesorado, preferentemente de Educación Infantil, para levar a cabo na aula en calquera momento do curso, integrado no currículo (non precisa tempo a maiores), e totalmente gratuíto. Se che interesa, infórmate aquí.
Agradecemos ás entidades que fan posible o mantemento deste programa: Fundación Barrié (a través do seu programa “Educabarrié”); Fundación José Otero e Carmela Martínez; Deputación Provincial de Lugo; Deputación Provincial de Pontevedra; e Concellos de A Coruña e Ferrol.
Neste primeiro trimestre de curso, precisamos da colaboración de persoas voluntarias que nos axuden na difusión da proposta en todo o territorio; anímaste a axudarnos?
E como mostra, presentamos o “Dicionario da convivencia”, un libriño que recolle as achegas dos nenos e nenas participantes na pasada edición, que nos mostran cos seus debuxos e traballos o que significan para eles algunhas palabras clave na convivencia. Colabora connosco!
Fundación Meniños 