Infancia·Meniños·Recursos educativos·Uncategorized

“Viaxe ao reino das emocións” medra e convértese en álbum de cromos

Como anunciábamos hai uns días, este curso temos varias novidades relacionadas coa aposta que facemos por achegar á educación emocional aos colexios e ás familias.

Despois de tres anos de presenza deste proxecto nas aulas galegas, e buscando unha maneira lúdica de estender a viaxe de Draco a todas as familias creamos un novo proxecto que sae da proposta “Viaxe ao reino das emocións”. Trátase dun álbum de cromos que parte da mesma, e que permitirá coñecer un pouco máis o reino do Aloia e tamén as personaxes do conto ao redor do cal se estrutura este proxecto. Así, a través das súas páxinas poderemos visitar a casa do sabio, os túneis das toupiñas e o laboratorio de Iris, entre outros escenarios, mentres aprendemos a recoñecer as principais emocións. A maiores, o álbum inclúe algún pequeno xogo no que os nenos e nenas tamén poñerán en práctica o aprendido. 

Presentamos este proxecto da man de Vegalsa -Eroski, que nos facilita a súa distribución nos centros Eroski de Baiona, Mos, Ponteareas, Porriño, Pontevedra e Vigo. Esta colaboración, xunto coa de Disashop, é a que nos permitiu lanzar este proxecto, cuxa recadación irá destinada integramente aos nosos proxectos a favor da infancia.

Se queredes coñecer o castelo de Draco por dentro, e saber como se pode chegar ata o Aloia, animámosvos a coñecer este álbum e  a compartilo cos vosos nenos e nenas.

Podes consultar o listado de supermercados onde se pode adquirir este álbum na seguinte ligazón.

Actualidad·Infancia·Meniños·Recursos educativos

Benvidos e benvidas a este novo curso escolar!

Mochilas listas, libros forrados e material preparado… programacións e actividades a punto.. e 3, 2, 1… despega un novo curso escolar! Queremos darvos unha agarimosa benvida a familias, profes e alumnado a este curso 19/ 20, e desexar que neste día de comezo aos nervios propios do inicio se sume a ledicia dos reencontros, a curiosidade dos cambios por chegar e o entusiasmo polos novos proxectos.

Un ano máis invitamos aos colexios galegos a participar na “Viaxe ao reino das emocións”, que pouco a pouco vai crecendo en profundidade para ser un percorrido completo por este mundo das emocións. Así, se o ano pasado propoñíamos unha filmografía, máis actividades e personaxes do conto, este ano imos presentar novos proxectos que amplían o mundo de Draco e as posibilidades de traballar a proposta. Ao longo do primeiro trimestre iremos informando destas novas, a primeira das cales adiantamos hoxe: este ano estreamos unha nova ferramenta que permitirá ao profesorado que participa no proxecto compartir o traballo que realizan relacionado co mesmo, así como ver o que se traballa noutros centros. Esta aplicación, que estará dispoñible a finais do mes de setembro será unha rede social colaborativana que os diferentes colexios poderán amosar, ver e destacar positivamente aquelas actividades que máis lle gusten. Ademais, á mesma sumaremos material de traballo que complementa as actividades que xa están dispoñibles. Lanzamos esta ferramenta coa seguridade de que vos será útil e que vos dará moitas ideas para desenvolver nas vosas aulas.

Se aínda non formades parte desta viaxe, invitámosvos a unirvos dirixíndoos ao noso email proxectos.educativos@meninos.org

Bo inicio de curso!

Meniños·Recursos educativos·Voluntariado

Buscamos unha persona voluntaria na Coruña para a área de proxectos educativos e preventivos

Actividade do CEIP de Cervo coa proposta educativa “Viaxe ao reino das emocións”

Precisamos incorporar a unha persoa voluntaria para a área de proxectos educativos e preventivos na nosa sede central da Coruña.

Buscamos una persona que colabore na difusión do proxecto “Viaxe ao reino das emocións”, e realice tamén tarefas comunicativas e de sensibilización relacionadas ca área (eventos, mesas informativas…).

Perfil das persoas voluntarias:

  • Boas habilidades organizativas e comunicativas.
  • Bo manexo de ferramentas informáticas.
  • Coñecementos de educación infantil e primaria.
  • Interese por temas de educación e crianza.
  • Dispoñibilidade de mañás, especialmente entre setembro e decembro.
  • Dispoñibilidade puntual algunha tarde ou fin de semana.

As personas interesadas poden dirixirse ao seguinte contacto: proxectos.educativos@meninos.org